Më 27.08.2025 nga ora 05:00 rruga rajonale R-1106 Nova Breznica – Makedonski Brod përmes Parkut Nacional Jasen do të hapet për trafik sipas kushteve të përcaktuara nga Ministria e Punëve të Brendshme. Rekomandohet vozitje e kujdesshme, të respektoni sinjalistikën dhe të përshtatni shpejtësinë për shkak të rrëshqitjeve të mundshme të dheut në rrugë.
Komunikacioni në rrugët e vendit po zhvillohet pa ndërprerje, nëpër rrugë të thata.
Intensiteti i komunikacionit në akset rrugore jashtë mjediseve urbane është rritur. Në vendkalimet e tjera kufitare në anën e Maqedonisë nuk ka vonesa më të gjata për hyrje dhe dalje nga vendi.
LAMM rekomandon shpejtësi të adaptuar të lëvizjes, respektimin e sinjaleve të vendosura të komunikacionit e veçanërisht drejtim të kujdesshëm të automjetit, posaçërisht në rrugët nëpër gryka malore dhe lugina të lumenjve ku ekziston mundësia e rrëshqitjes së dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.
Nga 1 korriku deri më 31 gusht, në rrugët shtetërore në Maqedoni u vendos regjim i përkohshëm veror i trafikut, i cili ndalon lëvizjen e automjeteve të rënda transportuese me një masë totale mbi 15 ton, gjatë fundjavave dhe në ditët me temperatura jashtëzakonisht të larta.
The post Komunikacioni në Maqedoni, nuk ka pritje të gjata në pikat kufitare appeared first on Telegrafi.