Kuvendi sot në fillimin e seancës së 64-të e konstatoi dorëheqjen e kryetares së Komisionit Shtetëror për Parandalimin e Korrupsionit, Tatjana Dimitrovska
Kryetari i Kuvendit, Afrim Gashi theksoi se deri në fillim të seancës, Ditimtrovska njoftoi Kuvendin se do ta justifikojë dorëheqjen e saj.
“Kuvendi bazuar në nenin 121, paragrafi 2 nga Rregullorja e Punës së Kuvendit, konstatoi se i ndërpritet funksioni i kryetarit të Komisionit Shtetëror për Parandalimin e Korrupsionit”, theksoi Gashi.
Dimitrovksa dha dorëheqje të premten më 25 korrik, pasi Prokuroria për ndjekjen e krimit të organizuar ngriti aktakuzë për dy vepra penale edhe atë për dhënien e sekreteve zyrtare ish-drejtorit të TEC Negotinë, Nebojsha Stojanoviq, i akuzuar në “Aditivë”, dhe për falsifikim kompjuterik sepse auditori nga ESHR-ja në emrin e saj ka kaluar testin e trajnimit të sigurisë.
Kuvendi me kërkesë të deputetëve të Frontit Europian dha pauzë prej një ore, pas së cilës pritet të diskutohet për interpelancën e Prokurorit Publik Republikan – Ljupço Kocevski, e paraqitur nga “E Majta” opozitare.
The post Kuvendi e konstatoi dorëheqjen e kryetares së KSHPK-së, Tatjana Dimitrovska appeared first on Telegrafi.