Me rritjen e temperaturave, shfaqja e gjarpërinjëve edhe në zonat e banuara mbetet një problematikë e madhe.
Pothuajse rreth një muaj më parë filluan të paraqiten rastet e para të prezencës së zvarranikëve nëpër objekte banesore në qytetin e Tetovës e një problematikë te ngjajshme e kanë dhe banorët e qytetit të Shkupit, konkretisht të lagjes Hipodrom 2.
Ata kanë raportuar tek mediat e Shkupit se përshkak të barit të lartë në disa zona të vendbanimit, gjarpërinjtë janë shtuar dukshëm në numër.
Një banore e lagjes, Irena Kunoska-Mihajlova, ka vërejtur në mes të rrugës një gjarpër, i cili pas vetes kishte lënë lëkurën e tij të cilën sapo e kishte ndërruar.
Ndërsa një banore tjetër për mediumin Veçer.mk ka deklaruar se një gjarpër i ka rënë shumë pranë karrocës së fëmijës nga druri lartë në vendin ku ajo ishte ulur në ulëse për të pushuar.
Banorët e Hipodromit si asnjë vit tjetër janë të frikësuar dhe apelojnë që komuna e Gazi Babës të marrë masat e duhura.
Një problem i ngjashëm me zvarranikët ka edhe në lagjet tjera të Shkupit.
Lagjet e Shkupit në hall nga gjarpërinjtë shkruan Telegrafi.