Komunikacioni në rrugët e vendit po zhvillohet pa ndërprerje, nëpër rrugë të thata. Intensiteti i komunikacionit në akset rrugore jashtë mjediseve urbane është rritur. Për shkak të pushimve verore ka një frekuencë të shtuar të automjeteve në vendkalimet kufitare, informoi LAMM.
Në vendkalimin kufitar Bogorodicë, siç theksohet, koha e pritjes për hyrje është rreth 40 minuta, në vendkalimin kufitar Dojran koha e hyrjes është rreth 20 minuta, në vendkalimin kufitar Tabanocë koha e hyrjes është rreth 30 minuta, ndërsa në vendkalimet tjera kufitare nga ana e Maqedonisë nuk ka vonesa të gjata për hyrje dhe dalje nga vendi.
LAMM rekomandon shpejtësi të adaptuar të lëvizjes, respektimin e sinjaleve të vendosura të komunikacionit e veçanërisht drejtim të kujdesshëm të automjetit, posaçërisht në rrugët nëpër gryka malore dhe lugina të lumenjve ku ekziston mundësia e rrëshqitjes së dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë
The post LAMM: Deri në 40 minuta pritje në vendkalimet kufitare për hyrje në Maqedoninë e Veriut appeared first on Telegrafi.