LSDM kritikoi ashpër Qeverinë pas publikimit të projeksioneve të fundit nga Banka Botërore, sipas të cilave ekonomia e Maqedonisë së Veriut do të rritet vetëm me 2,6% në vitin 2025 – më pak se çdo vend tjetër në Ballkanin Perëndimor.
Sipas LSDM-së, rënia e prodhimit industrial, likuiditeti i dobët i kompanive, zbatimi i ngadaltë i investimeve publike dhe rritja e çmimeve po e frenojnë zhvillimin ekonomik.
Nga LSDM theksojnë se masat e qeverisë janë të pamjaftueshme dhe të bazuara më shumë në dëshira politike sesa në realitetin ekonomik, ndërsa thekson se edhe rritja e parashikuar prej 2,6% nuk do të ndjehet nga qytetarët për shkak të inflacionit dhe fuqisë së ulët blerëse.
“Мe këtë rishikim në ulje të projeksioneve, Banka Botërore sinjalizon se ekonomia e vendit aktualisht nuk tregon dinamikë që do të mund të mbështesë një normë rritjeje mbi 3%. Në një kontekst të tillë, projeksionet për 3,7% apo madje edhe 4%, të cilat i dëgjojmë nga disa përfaqësues qeveritarë, ngjasojnë më shumë me supozime sesa me fakte të nxjerra nga analiza ekonomike”, tha Bytyqi.
The post LSDM: Maqedonia e fundit në rajon për nga rritja ekonomike appeared first on Telegrafi.
