Ditën që duhet të raportojë për punën e tij në vitin e tij të parë në pushtet, Mickoski vendosi të flasë për tragjedinë në Koçan, duke e përdorur atë si një fushatë parazgjedhore, akuzojnë nga LSDM.
“Është e neveritshme që Mickoski të flasë për një lloj shqetësimi, për empati të rreme dhe për planin e supozuar që kishte për Koçanin, ndërsa sot kur deputetët e tij në Kuvend vendosën të bllokojnë Ligjin për mbështetjen e prindërve të të vdekurve dhe të lënduarve në tragjedinë e Koçanit.
Është turp, Mickoski, që ti të flasësh për drejtësi, kur je fshehur për katër muaj dhe je përpjekur në çdo mënyrë të mundshme të heqësh përgjegjësinë nga kuadrot e partisë sate. Është turp që Mickoski të flasë për përgjegjësi pa selektivitet kur i gjithë opinioni maqedonas pa se ishte partia e tij ajo që mori donacione nga të dyshuarit në tragjedi.
Prokurorët po punojnë nën presion për rastin e Koçanit dhe kjo është e qartë. Sa herë që prokurorët njoftojnë një zgjerim të hetimit, Mickoski flet për shkarkimin e tyre dhe përgjegjësinë e tyre”, thonë nga LSDM./Telegrafi/
The post LSDM: Mickoski nuk ka të drejtë të flasë për selektivitet, ai shkeli drejtësinë dhe e poshtëroi Maqedoninë appeared first on Telegrafi.