Qeveria po përgatit një goditje historike për pensionistët, me vendimin e fundit për rritjen lineare të pensioneve me 1.000 denarë, theksojnë nga LSDM.
Nga LSDM thonë se pensionistët do të dëmtohen dy herë me këtë vendim, me këtë grabitje, një herë në shtator dhe një herë në mars të vitit të ardhshëm.
“Sot do të paraqesim llogaritjen dhe faktet e plota në mënyrë që pensionistët e vendit të kuptojnë se çfarë lloj manipulimi është ky.
Sipas ligjit aktual të miratuar nga LSDM, pensionet rregullohen dy herë në vit në mars dhe shtator bazuar në rritjen e pagave dhe koston e jetesës. Nëse qeveria nuk do ta kishte ndryshuar ligjin dhe do ta kishte ndjekur rregullimin, pensionet në shtator do të ishin rritur me rreth 5%.
Çfarë do të thotë kjo?
Për një pension prej 20.000 denarë, rritja do të kishte qenë 1.000 denarë, njësoj si tani me rritjen lineare.
Por për një pension prej 25,000 denarë, pensionistët do të merrnin 1.250 denarë, dhe me zgjidhjen e re ata marrin më pak, vetëm 1.000 denarë. Për një pension prej 30.000 denarësh, në vend të 1.500 denarëve, ata marrin më pak. Për një pension prej 40.000 denarësh, në vend të 2.000 denarëve, ata marrin përsëri gjysmën e shumës, vetëm 1.000”, thonë nga LSDM.
Nga atje thonë se sipas llogaritjeve të tyre, një shifër marramendëse prej 92.5% e pensionistëve, ose mbi 318.000 njerëz, dëmtohen nga kjo rritje lineare dhe do të marrin më pak sesa u takon me ligj./Telegrafi/
The post LSDM: Një mashtrim historik, me rritjen lineare qeveria po i vjedh pensionistët appeared first on Telegrafi.
