Ministria e Shëndetësisë në Maqedoni informon se Komisioni për Sëmundje Infektive, sot ka mbajtur mbledhje, në të cilën kanë rekomanduar që gjysmëvjetori i dytë i vitit shkollor 2021/2022 të fillojë me prezencë fizike.
Ky vendim përfshin nxënësit e të gjitha shkollave fillore dhe të mesme, por me respektimin e masave për parandalimin dhe mbrojtjen nga coronavirusi, përcjell Telegrafi Maqedoni.
“Në mbledhjen e Komisionit për Sëmundjet Infektive, ku mori pjesë edhe ministri i Shëndetësisë, Bekim Sali, është shqyrtuar gjendja aktuale epidemiologjike me Covid-19 në vend. Për shkak të rritjes së vazhdueshme të numrit të pacientëve të rinj dhe për zgjerimin e kapaciteteve spitalore, Komisioni rekomandoi që klinikat që më parë kanë funksionuar si qendra COVID në fazën e parë, Klinikën për sëmundje të lëkurës dhe Klinikën për neurologji në Shkup, në ditët në vijim të vazhdojnë punën si qendra të COVID-19 dhe të hapet një departament shtesë për COVID në QSHM “8 Shtatori”. Për këtë lajmërohen menjëherë të tria institucionet shëndetësore publike për të ndërmarrë të gjitha aktivitetet e nevojshme”, thuhet në njoftimin e MSH-së.
Nga MSH gjithashtu informojnë se sipas raporteve ditore nga repartet infektive dhe kovid-qendrat, për momentin të hospitalizuar janë gjithsej 573 pacientë, prej të cilëve 180 në Shkup./Telegrafi/
The post Maqedoni: KSI rekomandon që mësimi të vazhdojë me prezencë fizike appeared first on Telegrafi.