Ministri i Punëve të Jashtme Bujar Osmani, sot në konferencë për shtyp e ka konfirmuar informacionin se është dëbuar edhe një diplomat rus nga vendi.
Megjithatë ai nuk dha informacione tjera në lidhje me këtë çështje, përcjell Telegrafi Maqedoni.
“Pasi informacioni është i karakterit të besueshëm, nuk mund të hyj në detaje, megjithatë MPJ kur do të merr dokumente dhe informacione të konfirmuara për sjelljen e diplomatëve të huaj që janë në kundërshtim me parimet e Konventës së Vjenës do të merr masa për mbrojtjen e sigurisë kombëtare. Kështu që informacioni i për dëbimin e një diplomati rus është i saktë”, tha Osmani.
Ndryshe, në maj të këtij viti Maqedonia e Veriut e shpalli person të padëshiruar një diplomat të Ambasadës së Rusisë në Shkup. Rusia atëherë reagoi me masa reciproke, duke dëbuar një diplomat të RMV-së të punësuar në Ambasadën e Moskës./Telegrafi/
The post Maqedonia e Veriut dëbon edhe një diplomat rus appeared first on Telegrafi.