Deri në vitin 2050, Maqedonia e Veriut do të humbasë rreth 11 për qind të popullsisë së saj aktuale, nëse vazhdon trendi aktual i reduktimit të popullsisë, raporton portali “Visual Capitalist”, duke u thirrur në të dhënat nga Kombet e Bashkuara dhe Banka Botërore, përcjell Telegrafi Maqedoni.
Maqedonia është e 18-ta në listën e 20 vendeve me rënien më të madhe të parashikuar të popullsisë në dekadat e ardhshme.
Në krye të kësaj liste është Bullgaria, popullsia e së cilës pritet të bjerë me 22.5 për qind gjatë 28 viteve të ardhshme në 5.4 milionë banorë (një rënie prej 60% nga 9 milionë në 1987). Pas saj janë Lituania, Letonia, Ukraina dhe Serbia.
Nga ana tjetër, Shqipëria ndodhet në vendin e 10-të, e cila në dekadat e ardhshme do të humbasë 15.0% të popullsisë së saj./Telegrafi/
Maqedonia e Veriut deri vitin 2050 do të humbas rreth 11% të popullsisë shkruan Telegrafi.