Zv. kryeministri për Çështjet Evropiane, Bojan Mariçiq, me ftesë të Ministrit të Punëve të Jashtme të Mbretërisë së Danimarkës dhe ish-kryeministrit, Lars Loke Rasmussen, mori pjesë sot në Konferencën me rastin e 30 vjetorit të Kritereve të Kopenhagës, në panelin kushtuar vendeve kandidate për anëtarësim në BE, sfidat e tyre për avancimin e rrugës së integrimit evropian.
Në prezantimin e tij, Mariçiq tha se kriteret e Kopenhagës janë mjeti më i mirë real i mbrojtjes kundër populizmit në Ballkanin Perëndimor dhe mënyra më e mirë për të transformuar shoqëritë tona.
“Kriteret e Kopenhagës janë udhërrëfyesi kryesor që kemi në negociatat e anëtarësimit në BE dhe transformimin e shoqërive tona.
Besoj se ishin kriteret e Kopenhagës që e ndihmuan vendin tim në periudhën e vështirë të krizave politike, nga viti 2014 deri në vitin 2017, sepse ato kritere u inkorporuan në sistemin tonë dhe Kushtetutën tonë shumë më tepër dhe më thelbësisht se më parë”, tha Mariçiq.
Mariçiq tha se në këtë moment duhet t’i kushtojmë rëndësi dhe të interesohemi për kriteret që nuk janë pjesë e versionit origjinal të kritereve të Kopenhagës dhe këtu Mariçiq përmendi kapacitetin absorbues dhe rëndësinë e gjeopolitikës, duke theksuar se Ballkani Perëndimor nuk është pjesë e BE-së akoma sepse është e rrethuar nga vendet e BE-së dhe sepse nuk del në Detin e Zi dhe nuk kufizohet me Rusinë./Telegrafi/
The post Mariçiq: Kriteret e Kopenhagës le të mbeten kushti i vetëm për përparimin drejt BE-së appeared first on Telegrafi.