Bojan Mariçiq, Ministri i Drejtësisë, njoftoi se faza e parë e regjistrimit të popullsisë do të fillojë për më pak se një javë. Nga 1 marsi deri më 15 mars, dy javë para fillimit zyrtar të regjistrimit, sipas ligjit, ës pari do të numërohen ushtarët dhe njerëzit pa dokumente personale dhe shëndetësore.
“Enti Shtetëror i Statistikave na informoi këtë mëngjes se përgatitjet për regjistrimin po shkojnë mirë. Për më pak se një javë, fillon faza e parë e regjistrimit.
Ajo që është shumë e rëndësishme është që Eurostat ka konfirmuar drejtpërdrejt se Ligji i Regjistrimit dhe metodologjia janë në përputhje me legjislacionin e BE-së, domethënë standardet më të larta për kryerjen e një operacioni të tillë statistikor”, shkruan Ministri në Facebook.
Pas kësaj, ai beson se të gjitha përpjekjet shkatërruese për të sabotuar regjistrimin duhet të ndalen.
“Ne duhet të bashkohemi dhe më në fund të fillojmë të punojmë së bashku për të mirën e vendit. Nxis të gjithë aktorët e interesuar të shpenzojnë energjinë e tyre politike në zhvillimin dhe prosperitetin e vendit. Ne ua kemi borxh qytetarëve”, shtoi ai./Telegrafi/
Mariçiq: Për më pak se një javë do të fillojë faza e parë e regjistrimit shkruan Telegrafi.