Jemi këtu mes fshatit Kondovë dhe fshatit Lubin, mu për skaj lumit Vardar, por për fat të keq ky vend kaq i bukur po përdoret për hedhjen e mbeturinave dhe po krijohen deponi të egra.
Mbeturina dhe mbetje ndërtimi këtu hidhen.
Ky vend mund të përdorej për shëtitje dhe rekreacion, por po përdoret për hedhjen e mbeturinave.
Nga Komuna e Sarajit thonë se kjo është si pasojë e moskujdesit të qytetarëve.
“NPK Saraj gjatë vitit 2018 ka pastruar 700 m3 prej deponive te egra, kurse në vitin 2019 u pastruan 815 m3 dhe në vitin 2020 u bë pastrimi i 845 m3, kuptohet që ka edhe vende tjera që duhet të pastrohen, por neve na brengos fakti, se në disa prej këtyre vendeve i kemi pastruar disa herë, mirëpo nga moskujdesi dhe mosruajtja e ambientit jetësor nga qytetarët janë krijuar deponi”, thonë nga NPK-Saraj.
Deponi të egra janë krijuar edhe në disa vende të fshatit të Sarajit, si në rrugën e re që lidh Sarajin me fshatin Rashçe. Në zgjedhjet komunale kryetari i tanishëm i komunës së Sarajit kishte premtuar se do të ketë pastrim të gjithë shtratit të lumit Vardar që kalon në pjesën e Sarajit./TV21/
Mbeturina të hedhura skaj Vardarit në Kondovë! shkruan Telegrafi.