Kryeministri i Republikës së Maqedonisë së Veriut, Hristijan Mickoski, sot, duke u përgjigjur në pyetjen e një gazetari në lidhje me reagimin e gjyqtarëve dhe prokurorëve ndaj qëndrimit se pagat e tyre nuk janë të merituara dhe akuzave nga opozita për bllokimin e procesit të axhendës reformuese në gjyqësor, deklaroi se disa gjyqtarë dhe prokurorë mbrohen nga “Reçica e Vogël” dhe “Bihaçka”.
“Tani i është bërë e qartë të gjithë opinionit në vend se nuk po flasim për reforma thelbësore në Gjyqësor dhe në Prokurori, por përkundrazi për rritjen e buxheteve, me qëllim rritjen e pagave. Kjo është reforma, dhe është mirë që tani opinioni mund të gjykojë. A janë këta që, nuk po flas për të gjithë, do ta përsëris, më falni, ka nga ata që e bëjnë punën e tyre në përputhje me Ligjin dhe Kushtetutën, por ka një pjesë të vogël që e rrezikojnë këtë proces, dhe prokurorë dhe gjyqtarë, të cilët as nuk e meritojnë këtë pagë që marrin.
Për më tepër, nëse do të ndajmë, le të themi dyfishin e shumës, sesa disa shtete anëtare shumë më të zhvilluara në Bashkimin Evropian, ia lë publikut dhe qytetarëve ta gjykojnë, për pagat e gjyqtarëve dhe prokurorëve. Ky është thelbi. Pra, ne po flasim vazhdimisht për rritjen e pagave të gjyqtarëve dhe prokurorëve”, tha Mickoski.
Ai tha se le të gjykojë opinioni nëse 1.3% e BPV-së, që ne po e parashikojmë këtu, diku rreth vitit 2028, drejt fundit të mandatit të kësaj Qeverie, duhet të jetë, në terma nominalë, diku rreth 20 miliardë dollarë. Kjo do të thotë se ata duhet të kenë një buxhet prej 260 milionë dollarësh. Le të gjykojë publiku, ne nuk do të flasim.
Kryeministri shtoi se nuk pret që ata që i emëruan këta gjyqtarë dhe prokurorë të kenë një qëndrim të ndryshëm nga ai që kanë, mbrojtës. Kushdo që mbron prokurorët dhe gjyqtarët, do ta them përsëri se po distancohem, nuk dua të them të gjithë, dua të them një numër të vogël. Këta janë kryesisht politikanë që vijnë nga Reçica e Vogël ose Bihaçka, sepse ata janë bastioni i tyre i fundit i mbrojtjes kundër krimit dhe korrupsionit të së kaluarës./Telegrafi/
