Kryetari i OBRM-PDUKM-së Hristijan Mickoski, sot ka folur për procesin arsimor në vend, gjegjësisht mungesën e librave në vitin e ri shkollor.
Ai tha se “si person që është pjesë e procesit arsimor mund të konstatoj që gjeneratat e reja janë “gjymtuar” për shkak se kjo qeveri kriminele e BDI-së dhe LSDM-së duan që nëpërmjet keqpërdorimit të tenderëve të montuar të pasurohen”.
“Kjo është arsyeja përse vonohen tekstet e librave”, tha Hristijan Mickoski.
Ai shtoi se në këtë situatë shtrohet pyetja se çfarë ka bërë Ministria e Arsimit dhe Shkencës gjatë gjithë vitit që më 1 shtator e kanë kuptuar se tekstet shkollore nuk janë shtypur.
“Mund të konstatoj se vetëm krimi dhe paaftësia është në prapavijë të asaj që na ndodh disa vite me radhë nga qeverisja e BDI-së dhe LSDM-së”, ka përfunduar Mickoski.
The post Mickoski për mungesën e librave: Gjeneratat e të rinjve janë “gjymtuar” appeared first on Telegrafi.
