Kryeministri i RMV-së, Hristijan Mickoski dërgoi një mesazh urimi me rastin e 1 Majit, Ditës së Punës.
“Sot u bëjmë homazh të gjithë punëtorëve, atyre që e çojnë shoqërinë përpara me këmbënguljen, përgjegjësinë dhe ndershmërinë e tyre”, shkroi kryeministri Hristijan Mickoski në mesazhin e tij të urimit me rastin e Ditës Ndërkombëtare të Punës – 1 Maj.
Puna, siç thekson Mickoski, është një nga vlerat më të mëdha mbi të cilat ndërtohet dinjiteti i çdo personi dhe për këtë arsye është themeli i çdo vendi të përparuar.
“Qeveria do të vazhdojë të jetë plotësisht e përkushtuar për përmirësimin e standardeve të jetesës së qytetarëve të saj në të ardhmen. Duke rritur pagën minimale dhe mesatare, duke rritur pensionet, duke mbështetur vende të reja pune, duke promovuar të drejtat e punëtorëve dhe duke ulur papunësinë, ne po investojmë në vlerat e vërteta, punën, dijen dhe njerëzit”, thekson Mickoski.
Kryeministri thekson se çdo sukses fillon me personin dhe varet nga vetëbesimi, stabiliteti dhe motivimi i tij./Telegrafi/
The post Mickoski: Puna është themeli i çdo vendi të përparuar appeared first on Telegrafi.