Rashela Mizrahi nga OBRM-PDUKM në konferencë për shtyp tha se “përgjegjësia morale ndjehet dhe as Filipçe, e as Zaevi dhe Grubi nuk e ndjejnë”.
“Njerëzit në spitalin në Tetovë ishin në përgjegjësinë e shtetit dhe autoriteteve shëndetësore. Ata persona tani duhej të mjekohen dhe mos të vdesin si pasojë e paaftësisë dhe papërgjegjshmërisë së Qeverisë”, tha Mizrahi.
Ajo tha se hetim duhet të ketë, por jo pse Qeveria dëshiron kështu, por se këtë e kërkon ligji.
“Por, hetimin që e udhëheqin Zaev, Filipçe dhe Grubi bashkërisht me institucionet që ndikohen nga ata, nuk do të jetë objektiv dhe as do të japë përgjigjet e vërteta. Nuk mund të ketë hetim kredibil deri sa në fuqi politike janë këto tre persona”, tha Mizrahi.
Sipas saj, Filipçe, Zaev, Grubi si dhe drejtori i spitalit duhet të japin dorëheqje nga funksionet./Telegrafi/
The post Mizrahi: Nuk mund të ketë hetim kredibil përderisa Zaev dhe Filipçe janë në funksion appeared first on Telegrafi.