Ministria e Punëve të Brendshme njofton se në lidhje me marrjen e ryshfetit në vendkalimin kufitar Bllace, Departamenti për Kontrollë të Brendshme në koordinim me Prokurorinë Publike si dhe me shërbimet për kontroll të brendshëm në Kosovë dhe Shqipëri, dokumentoi rastin dhe kishte bisedë me zyrtarët policorë.
Sipas raportit policor, ndaj policëve E.Sh dhe Z.R që pranuan ryshfet në vendkalimin kufitar do të parashtrohet kallëzim penal për “marrje ryshfeti”.
Po ashtu, nga policia shtojnë se ndaj tyre do të niset edhe procedurë për vërtetimin e përgjegjësisë disiplinore.
“Policët deri në përfundimin e procedurës disiplinore kanë dalë nga vendi i punës”, thuhet në njoftimin e policisë./Telegrafi/
MPB me kallëzim penal për dy policët e korruptuar në Bllacë shkruan Telegrafi.