Ministria e Punëve të Brendshme ka njoftuar se është arrestuar një 51-vjeçar nga Shkupi, pasi i njëjti është kapur me armë.
MPB ka dhënë detaje nga bastistja në shtëpinë e 51 vjeçarit, teksa kanë treguar dhe armatimin që e kanë gjetur.
“Sot (24.10.2025), punonjësit e Policisë nga Njësia për Trafik të Paligjshëm, në koordinim me punonjësit e Njësisë për Polici Intervenuese nga SPB Shkup, pas një urdhri gjyqësor, realizuan një kontroll në shtëpinë dhe ambiente të tjera, si dhe në automjetin e tipit “Mercedes” në pronësi të B.H. (51) nga fshati Rashçë, Shkup. Gjatë kontrollit u gjetën dhe u sekuestruan: 7 pistoleta, 14 karikatorë dhe 318 fishekë të kalibrave të ndryshëm. Pas përfundimit të hetimit të rastit, do të ndiqet procedura e denoncimit të mëtejshëm”, thuhet në njoftimin e MPB-së.