Rreth 75 përqind e mësuesve në shkollat e Maqedonisë janë vaksinuar kundër COVID-19, ndërsa mësimin nga distanca e ndjekin dy përqind e nxënësve.
Siç thonë nga Ministria e Arsimit, mësimi online vazhdon për ata nxënës, prindërit e të cilëve do ta kërkojnë të njëjtën, për arsye mjekësore ose jo mjekësore, përcjell Telegrafi Maqedoni.
Ministria pret që me imunizimin e vazhdueshëm të sigurohen kushtet për vazhdimin e mësimit me prezencë fizike.
Ndërsa nga e hëna pritet të vazhdojë edhe skriningu i paralajmëruar i 8200 nxënësve në shkollat e mesme dhe fillore.
Ministri i Shëndetësisë Venko Filipçe, dje tha se skriningu pritet të zgjasë pesë ditë, me çka në ditë do të testohen 1600 nxënës./Telegrafi/
The post Në Maqedoni janë vaksinuar rreth 75 përqind e mësuesve appeared first on Telegrafi.