Në qytetin serb të Vranjës, më shumë janë vaksinuar shtetas të Maqedonisë sesa shtetas të Serbisë.
“Të dhënat e Qendrës Shëndetësore nga Vranja, tregojnë se dje u aplikuan gjithsej 213 vaksina, nga të cilat 70 shtetas të Maqedonisë morën dozën e parë, në krahasim me 38 serbë. Doza e dytë u mor nga 58 shtetas të Maqedonisë, në krahasim me 47 serbë”, njofton korrespodenti i AIM-s nga Beogradi.
Doza e parë e Pfizer u mor nga 70 persona, ndërsa e dyta nga 56 qytetarë. Doza e parë e Sinofarm kinez është dhënë në 38 raste, ndërsa e dyta në 49 raste.
Vaksina ruse Sputnik V dhe Astra Zeneka në Vranje nuk u aplikuan dje.
Numri i përgjithshëm i qytetarëve të vaksinuar të Vranjës dhe nga qytete të tjera në Serbi, Maqedoni dhe vende të tjera në Sallën Sportive në Vranjë nga fillimi i vaksinimit deri më 27 korrik është 77.736 persona.
Në Vranjë janë vaksinuar më shumë shtetas të Maqedonisë sesa të Serbisë shkruan Telegrafi.