“Nga e mërkura çdo konsumator do të ketë mundësinë të blejë në supermarket me një çmim të shënuar që nuk do të mund të rriten, ndërsa nesër në seancën e Qeverisë do të të përzgjidhen produktet, gjegjësisht 25 kategoritë e produkteve që do të jenë ulur për 10% në raport me çmimin që kishin më 1 gusht”, tha në konferencën e sotme për media, Ministri i Ekonomisë, Kreshnik Bekteshi.
“Nesër në seancën e Qeverisë do të dorëzohet çmimi dhe nga e mërkura do të fillojnë kontrollet e intensifikuara të IPK-së, ku do të përfshihen edhe anëtarë nga Qeveria. Dëshiroj t’u bëj thirrje të gjithë palëve të interesuara në vendin tonë, prodhuesit dhe tregtarët, produktet e të cilëve nuk janë në listë, të kontaktojnë ministrinë për të zgjeruar gamën e produkteve më të lira. Sot do të kem një takim si me prodhuesit ashtu edhe me shpërndarësit e pijeve, për t’i përfshirë në vendimin për uljen e çmimeve deri më 30 nëntor”- tha Bekteshi.
Ai zbuloi se çmimi i një produkti të caktuar do të ulet pavarësisht se kush e prodhon, importon apo shpërndan atë.
“Nëse ulet çmimi i spagetit, do të ulen të gjitha llojet e spagetit, jo vetëm nga një prodhues. Bëhet fjalë për 25 kategori të produkteve bazë dhe sipas numrit dhe llojit të produkteve bëhet fjalë për më shumë se 50”, tha Bekteshi.
Lista përfshin pothuajse të gjitha produktet ushqimore nga industria e bukës, e mishit dhe e qumështit.
The post Nga e mërkura produktet që do të ulen për 10% do të kenë çmim të shënuar në tregje, tha ministri Bekteshi appeared first on Telegrafi.