Ministria e Punëve të Brendshme gjatë ditës së djeshme (04.10.2023), ka kryer kontroll të intensifikuar aksionar në territorin e Republikës së Maqedonisë së Veriut për sanksionimin e automjeteve që lëvizin me shpejtësi më të madhe se shpejtësia e lejuar, me ç’rast janë sanksionuar 181 drejtues automjetesh.
Prej tyre, katër automjete udhëtonin me shpejtësi mbi 50 kilometra në orë më shumë se shpejtësia e lejuar. 88 automjete e kanë tejkaluar shpejtësinë në vendbanim, ndërsa 93 jashtë vendbanimit.
“Kontrollet e trafikut do të vazhdojnë edhe në ditët në vijim. U bëjmë thirrje të gjithë përdoruesve të rrugës që të respektojnë rregullat e qarkullimit rrugor dhe së bashku të kontribuojmë për rrugë më të sigurta”, thonë nga MPB Maqedoni.
The post Policia e Maqedonisë gjobitë 181 shoferë për vozitje të shpejtë appeared first on Telegrafi.