Sallonet e Porsche Maqedoni shkëlqyen në dritë dhe emocione, duke u shndërruar në një hapësirë artistike për festimin madhështor të 20-vjetorit të kompanisë. Ngjarja bashkoi partnerë, klientë, të punësuar dhe miq në një atmosferë që festonte të kaluarën, por edhe shikonte me guxim drejt së ardhmes.
“Ne sot nuk festojmë vetëm 20 vite ekzistencë – sot festojmë 20 vite së bashku,” theksoi drejtori i përgjithshëm Zlatko Mucunski në fjalën e tij frymëzuese. “Të gjithë ju jeni pjesë e rëndësishme e historisë sonë. Pa ju, ‘20’ do të ishte vetëm një numër. Me ju – ajo u bë një udhëtim plot sfida, fitore dhe momente të paharrueshme. Ne nuk jemi këtu vetëm për të shitur makina. Ne krijojmë përvoja, hapim rrugë drejt aventurave dhe mundësojmë lirinë për të ëndërruar dhe për të fituar.”
Porsche Maqedoni nisi aktivitetin në vitin 2005 si pjesë e Porsche Holding Salzburg, duke përfaqësuar fillimisht markat Volkswagen dhe Audi për Maqedoninë dhe Kosovën. Sot, portofoli përfshin shtatë marka botërore të njohura, mes tyre – Škoda (nga 2007), SEAT (2014), Porsche (2016) dhe CUPRA (2024) – si dhe një rrjet të fuqishëm shitje dhe servisi me mbi 100 të punësuar dhe mbi 50.000 automjete të shitura.
Mbrëmja e jubileut solli një program artistik shumëdimensional, performanca nga artistë të njohur dhe video-projeksione që rikujtuan momentet kyçe të dy dekadave të kaluara. Ngjarja përfaqësonte një “udhëtim jokonvencional përmes artit, muzikës dhe pasionit automobilistik”, ndërsa mysafirët shijuan një natë të mbushur me muzikë, performanca skenike dhe energji miqësore.
20 vite pas themelimit, Porsche Maqedoni qëndron si sinonim i cilësisë, inovacionit dhe lidershipit në industrinë automobilistike. Kompania mbetet e përkushtuar ndaj së ardhmes së mobilitetit – elektrifikimit, teknologjive autonome dhe zgjidhjeve inteligjente – por asnjëherë nuk harron se forca e vërtetë qëndron tek njerëzit, partneritetet dhe vlerat që ndërtohen së bashku.
“Pas 20 vitesh – ende ekzistojmë, ende qëndrojmë në majë, dhe dukemi shkëlqyeshëm,” përfundoi Mucunski, duke ngritur një dolli për horizontet e reja që vijnë.
Me këtë festë, Porsche Maqedoni edhe një herë konfirmoi se historia e saj nuk është vetëm për makinat – por për pasionin, vizionin dhe bashkimin që do të vazhdojë të krijojë jubile të rinj dhe fitore të reja.
