Në kuadër të vizitës së punës në Paris, Ministri i Punëve të Jashtme, Timço Mucunski, zhvilloi takime të ndara me Presidenten e Grupit Ndërparlamentar për Miqësi midis Francës dhe Ballkanit Perëndimor, Senatoren Marta de Sidrac, dhe me Këshilltarin e Presidentit Francez, Emmanuel Macron për Evropën Kontinentale dhe Turqinë, Bertrand Biswalter.
Në takimin në Senatin francez, siç njoftoi Ministria e Punëve të Jashtme e RMV-së, u theksua rëndësia e diplomacisë parlamentare në ndërtimin e marrëdhënieve të qëndrueshme dhe gjithëpërfshirëse midis dy vendeve.
U diskutua perspektiva evropiane e Maqedonisë së Veriut dhe rajonit, si dhe mundësitë për promovimin e bashkëpunimit parlamentar dhe thellimin e lidhjeve politike dhe ekonomike. Theks i veçantë u vu në mbështetjen e vazhdueshme nga pala franceze për integrimin evropian të Maqedonisë.
Në takimin me këshilltarin Bischwalter, thekson Ministria, u ngritën çështje me interes të përbashkët, duke përfshirë sfidat aktuale gjeopolitike në Evropë, rëndësinë e bashkëpunimit rajonal, partneritetit dhe kontributit të Republikës së Maqedonisë së Veriut në kuadër të Aleancës së NATO-s, si dhe forcimin e mëtejshëm të bashkëpunimit në kontekstin e stabilitetit evropian dhe rajonal./Telegrafi/
The post Promovimi i bashkëpunimit dypalësh dhe mbështetja për integrimin evropian, fokusi i vizitës së Mucunskit në Paris appeared first on Telegrafi.
