Qendra për Menaxhim me Kriza (QMK) informon se dje në territorin e shtetit ka pasur gjithsej 19 zjarre, prej të cilave 18 janë shuar, ndërsa një është lokalizuar.
Nga zjarret të cilat janë shuar, katër ishin në fshatrat e Kumanovës, Romanovcë, Sllupçan, Pçinja dhe Ljubodrag, ndërsa dy në fshatrat Debresht dhe Koshinë në Komunën e Dollnenit.
Siç njoftoi QMK, gjatë ditës së djeshme janë shuar zjarre edhe në fshatin Radushë në Komunën e Sarajit, në rr. “Skupi” në Komunën e Karposhit, në malin Gazi Babë në Komunën e Gazi Babës, në fshatin Trap në Komunën e Manastirit, në fshatin Mogiola në Komunën Mogillë, në fshatin “D.Bella Cërkva” në Komunën Resnjë, në fshatin Oraovicë në Komunën Radovish, në vendin “Ovçka Reka” në Komunën e kavadarit, në fshatin Rosoman në Komunën Rosoman, në fshatin Zhelinë në Komunën e Zhelinës, në fshatin “Kërlanski Most në komunën e Vinicës, si dhe në fshatin Berikovë në Komunën e Kërçovës.
Qendra për Menaxhim me Kriza informon se është lokalizuar zjarri në fshatrat Sokolarci dhe Zhiganci në Komunën Çeshinovë – Obleshevë. Ekipet zjarrfikëse, aeroplanët “ertraktor” të Drejtorisë për Mbrojtje dhe Shpëtim dhe helikopterë policorë të MPB-së mbrëmë vonë pasdite arritën ta vënë nën kontroll zjarrin afër fshatit Sokolarci në Komunën Çeshinovë – Obleshevë.
The post QMK: Dje në territorin e Maqedonisë janë shuar 18 zjarre, ndërsa një është lokalizuar appeared first on Telegrafi.