Për të shpëtuar veten nga faturat e larta të energjisë elektrike këtë dimër, disa nga shkollat në Ohër filluan instalimin e impianteve fotovoltaike, të cilat i morën si donacione.
I tillë është shembulli i Shkollës së Mesme Profesionale Komunale.
“Ne do të ngrohemi me rrymë, tani ne kemi gjithashtu prodhimin tonë të rrymës. Faturat e rrymës do të reduktohen ndjeshëm. Kostot e ngrohjes do të reduktoheshin me rreth 50 për qind”, tha Riste Jankovski.
Autoritetet vendore njoftojnë instalimin e sistemeve të tilla me mjetet e tyre edhe në shkolla të tjera të komunës. Por ata thonë se pa ndihmën e shtetit, komunat nuk do të jenë në gjendje të përballojnë vetë faturat e energjisë elektrike në sezonin e ardhshëm të ngrohjes. Ata kanë frikë nga faturat e larta.
“Kaluam një vit ferri sa i përket çmimit të energjisë elektrike, veçanërisht pësoi kompania publike “Ujësjellësi”, ku në një vit krijuam një borxh prej mbi një milion e katërqind mijë euro, sepse ishte e pamundur të ndiqej e gjithë kjo si një trend që ndodhi me çmimin e energjisë elektrike në tregun e aksioneve. Ajo ndihmë sigurisht që është e nevojshme”, u shpreh Kiril Pecakov – Kryetar i Ohrit.
Komuna e Ohrit pret gjithashtu një rritje të bllok dotacioneve për furnizimin me naftë dhe energji elektrike. / Alsat.mk
The post Sezoni i ngrohjes shqetëson qeverisjen lokale në Maqedoni appeared first on Telegrafi.