“SHBA fuqishëm mbështet anëtarësimin e Maqedonisë së Veriut dhe Shqipërisë në Bashkimin Evropian dhe beson se kjo do të jetë në të mirë të të gjitha vendeve në rajon”.
Kjo thuhet në komunikatën e zëdhënësit të Departamentit Amerikan të Shtetit, Ned Price, që është shpërndarë nga Ambasada Amerikane në Bullgari, përcjell Telegrafi Maqedoni.
Administrata e presidentit amerikan Joe Biden, nuk mendon për sanksione kundër Bullgarisë dhe është e bindur se qeveritë e Maqedonisë së Veriut dhe Bullgarisë, me fillimin e dialogut konstruktiv do të tejkalojnë dallimet.
“E vlerësojmë interesin e fuqishëm të Kongresit Amerikan për këtë çështje dhe do të vazhdojë ta mbajmë këtë koordinim të ngushtë me Kongresin për këtë çështje”, thuhet në komunikatën e Price, të publikuar nga Ambasada Amerikane në Bullgari./Telegrafi/
SHBA e bindur se Shkupi dhe Sofja do të gjejnë zgjidhje shkruan Telegrafi.