Ministria për Punë të Brendshme informon se dje (02.03.2022) ka vazhduar me kontrollet e intensifikuara në fushën e trafikut.
Nga MPB informojnë se në territorin e qytetit të Shkupit janë shqiptuar gjithsej 137 masa, nga të cilat 41 sanksione për drejtim të automjetit mbi shpejtësinë e lejuar, 11 masa për automjete me defekte teknike dhe të paregjistruara, shtatë sanksione për drejtim të automjetit pa patentë shofer.
“Janë vendosur katër masa për përdorimin e celularit, 3 sanksione për foli të pacertifikuara të vendosura (xhama të errësuar), katër për kalim në sinjal të mbyllur të semaforit, 43 për parkim të paligjshëm”.
“Aksionet e intensifikuara të kontrolleve vazhdojnë edhe në ditët në vijim. Apelojmë tek qytetarët që të respektojnë rregullat e komunikacionit për të rritur sigurinë në komunikacion dhe së bashku të kontribuojmë për rrugë më të sigurta”, thonë nga MPB./Telegrafi/
Shkup: 137 gjoba në komunikacion, 41 për vozitje të shpejtë shkruan Telegrafi.