Ndërmarrja e Qarkullimit Publik “Shkup” kumtoi se nxënësit e vitit të parë të arsimit të mesëm, të cilët i plotësojnë kushtet për transport falas, biletat do t’i marrin në shkollat e tyre amë.
“Nxënësit nga klasat e larta, në rast nevoje për kartelë të re elektronike “Skopska” (për shkak të humbjes së kartelës etj.), mund të marrin një të re/dublikatë në çdo qendër për personalizim të NQP Shkup. Për përgatitjen e kartelës është e nevojshme të dorëzohet vërtetim nga shkolla dhe të paguhet një herë 200 denarë, informon NQP.
Biletat e shkollave të mesme për shfrytëzim falas të transportit publik në Shkup janë të vlefshme për të gjitha linjat (qytet dhe periferikë) nga ora 5 e mëngjesit deri në mesnatë, përkatësisht nuk janë të vlefshme për shfrytëzimin e linjave të natës.
The post Shkup, nxënësit e shkollave të mesme biletat falas të autobusit do t’i marrin në shkolla appeared first on Telegrafi.