Sindikata e Pavarur e të Punësuarve në Klinikën Universitare dhe në institucione të tjera publike shëndetësore është kundër vendimit të Ministrisë së Shëndetësisë për zhvendosjen e 300 punonjësve shëndetësorë, të cilët do të duhej të parkojnë në garazhet e hotelit
“Limak”.
Sindikata dyshon se pas këtij marrëveshjeje të ministrisë për përdorimin e parkingut të “Limak-ut” fshihet një formë e re e partneritetit publiko-privat, ndërsa si problem shtesë në reagimin e saj ngre pyetjen se si do të vazhdohet me pagesën e parkingut për të punësuarit, kur “Limak” nuk ka leje nga Komuna e Qytetit të Shkupit për të kërkuar pagesë për parkingun e tij.
“Marrja e një vendimi të tillë pa paralajmërim paraprak, pa konsultim me Sindikatën e Klinikës Qendrore dhe pa takime me drejtorët e klinikave, ngre dyshime serioze për transparencën dhe qëllimin e këtij procesi. Për më tepër, nga informacionet e disponueshme mësojmë se ‘Limak’ nuk ka leje nga Këshilli i Qytetit të Shkupit për të kërkuar pagesë për përdorimin e parkingut nëntokësor, dhe ligjërisht nuk ka të drejtë të kërkojë pagesë për të”, thuhet në reagim.
Kjo vë në pikëpyetje legjitimitetin dhe bazën juridike të zgjidhjes së propozuar.
Si zgjidhje për problemin e madh të parkimit në Qendrën Klinike, ministri i Shëndetësisë, Aliu, i cili së fundmi ka marrë këtë
funksion, njoftoi dje në një konferencë për media se planifikohet që, në mënyrë vullnetare, 300 të punësuar të parkojnë automjetet e tyre jo në Qendrën Klinike, por në garazhet nëntokësore të “Limak-ut”./Telegrafi/
The post Sindikata kundër vendimit Azir Aliut: Nuk ka transparencë, dyshohet se ka partneritet publiko-privat në dëm të punonjësve shëndetësor appeared first on Telegrafi.