Komisioni anketues që e formoi Kuvendi i RMV-së për konfirmimin e përgjegjësisë për skandalin në Klinikën e Radioterapisë dhe Onkologjisë, sot do të vazhdojë me punë me dëgjimin e dëshmitarëve dhe ekspertëve, si dhe shqyrtimin e akteve dhe dokumenteve.
Në seancën e djeshme Komisioni dëgjoi ish-ministrin dhe ministrin aktual të Shëndetësisë, Venko Filipçie dhe Fatmir Mexhiti, përcjell Telegrafi Maqedoni.
Më parë janë dëgjuar edhe ish-ministri Bekim Sali, si dhe ministri i Punëve të Brendshme Oliver Spasovski.
Komisioni hetimor për rastin e Klinikës së Radioterapisë dhe Onkologjisë është formuar më 29 shtator pasi Prokuroria Publike ka hapur hetimet paraprake për këtë rast pas raportimeve në media për keqpërdorime dhe parregullsi në trajtimin e pacientëve nga kjo klinikë./Telegrafi/
The post Skandali në Onkologjinë e Shkupit, sot vazhdon dëgjimi i dëshmitarëve dhe ekspertëve appeared first on Telegrafi.