Ministrja e Mbrojtjes, Radmilla Shekerinska përmes një shkrimi në rrjetet sociale ka njoftuar se homologu i saj slloven, Matej Tonini ka nisur drejt Maqedonisë së Veriut 16 automjete dhe 46 zjarrfikës, për të ndihmuar në shuarjen e zjarreve.
“Kjo është vlera e aleancës! Maqedonia e Veriut ka miq mbi të cilët mund të mbështeteni në telashe! Faleminderit koleg!”, ka shkruar mes tjerash Sheqerinska.
Më herët u njoftua se edhe Bullgaria do ta ndihmojë Maqedoninë për shuarjen e zjarreve, edhe atë me 25 zjarrfikës, 2 makina zjarrfikëse dhe 2 ambulanca.
Ndryshe, për momentin në RMV nëntë zjarre janë aktive, ndërsa më seriozi është në Komunën e Nagoriçanit të Vjetër, rreth fshatit Drenak./Telegrafi/
Sllovenia nis drejt Maqedonisë 16 automjete dhe 46 zjarrfikës shkruan Telegrafi.