SPB Tetovë informon se dje (22-prill) nga ora 13:00 deri në ora 19:00 në zonën e SPB-Tetovë është kryer aksion i intensifikuar kontrollues ndaj automjeteve dhe drejtuesve me theks të veçantë parkimin e paligjshëm.
Gjatë kontrollit janë zbuluar dhe sanksionuar gjithsej 53 automjete (TE-29 dhe GV-24) të parkuara në mënyrë të paligjshme, nga të cilat 6 automjete (TE) janë marrë nga shërbimi komunal i merimangës.
“Gjatë kontrollit janë sanksionuar edhe 3 drejtues automjetesh (TE-2 dhe GV-1) të cilët kanë vozitur pa dhënë provimin për patent shofer, si dhe 2 lloje të tjera kundërvajtjesh në trafik (TE)”.
“SPB Tetovë apelon pjesëmarrësit në komunikacion që t’i respektojnë rregullat dhe rregulloret e komunikacionit, t’i parkojnë automjetet e tyre vetëm në vendet e parapara për parkim dhe me këtë të kontribuojnë më drejtpërdrejt në qarkullimin normal dhe të rrjedhshëm, për sigurinë e tyre dhe të pjesëmarrësve të tjerë në trafik”, thonë nga SPB Tetovë.
The post SPB Tetovë me aksion kontrollues ndaj shoferëve që parkojnë në mënyrë të paligjshme appeared first on Telegrafi.