Ministri i Punëve të Jashtme të BUllgarisë, Svetlan Stoev në takim me eurokomesarin për zgjerim, Oliver Varhelyi ka treguar qëndrimin e Bullgarisë për mbështetjen e integrimit evropian të vendeve të Ballkanit Perëndimor duke përfshirë edhe Maqedoninë e Veriut.
Siç raporton MIA, Stoev ka theksuar se Bullgaria për ta mbështetur nisjen e bisedimeve të Maqedonisë së Veriut, ka nevojë për veprime konkrete dhe garanci për përmbushjen e Marrëveshjes për Fqinjësi të mirë të vitit 2017.
“Presim nga Maqedonia e Veriut të tregojë vullnet për tejkalimin e dallimeve. Bullgaria mbetet e angazhuar në gjetjen e mundësive për zgjidhjen e kotesteve të hapura”, tha Stoev.
Gjatë takimit të Stoev me Varhelyi i cili ndodhet për vizitë në Bullgari, ministri Stoev ka theksuar se Sofja mbështet rrugën evropiane të vendeve të Ballkanit Perëndimor duke përfshirë edhe Maqedoninë e Veriut./Telegrafi/
Stoev: Presim nga Maqedonia e Veriut të tregojë vullnet politik për tejkalimin e dallimeve shkruan Telegrafi.