Pasardhësi i Izet Mexhitit, i cili mori mandatin e kryetarit të Komunës së Çairit, do të jetë Bekim Sali, konfirmoi sot në një konferencë për shtyp zëdhënësi i VLEN-it, Driton Sulejmani.
“Ne tashmë funksionojmë si VLEN dhe ministrat e mëparshëm që ishin ministra të VLEN-it dhe jo të partive të veçanta politike, do të vazhdojnë kështu.
Siç ka njoftuar Mexhiti, pasardhësi i tij si zv. kryeministër i parë do të jetë Bekim Sali, ndërsa një person tjetër do të emërohet si Ministër i Mjedisit dhe Planifikimit Hapësinor dhe kjo do të vendoset në të ardhmen. Ende nuk ka një emër specifik”, tha Sulejmani, duke iu përgjigjur pyetjeve të gazetarëve.
Kur u pyet se çfarë pret të ndodhë me BDI-në pas zgjedhjeve, ai tha se ata si parti janë të mendimit se nevojiten ndryshime në BDI, por nuk presin që diçka drastike të ndryshojë në atë parti./Telegrafi/