Nuk ka asgjë të re në temën e Maqedonisë që mund të ndryshojë qëndrimin aktual të Partisë Socialiste Bullgare, tha sot koordinatori i Grupit Parlamentar të Socialistëve në Kuvendin e Bullgarisë, Georgi Svilenski.
Ai theksoi se e vetmja gjë që mund të ndryshojë qëndrimin e PSB-së është zbatimi i Marrëveshjes së Miqësisë ndërmjet Maqedonisë dhe Bullgarisë nga viti 2017, gjë që, sipas tij, në këtë fazë nuk është kështu.
Sipas Svilenskit, mbledhja e Këshillit Konsultativ të Sigurisë Kombëtare për marrëdhëniet me vendin është një ide e mirë dhe nuk ka asnjë problem në mbajtjen e saj, sepse sa më shumë informacion të ndahet, aq më mirë është.
Deklarata e Svilenskit vjen para takimit të sonte të liderëve të partive në koalicionin qeveritar bullgar, ku temë kryesore do të jenë marrëdhëniet me Maqedoninë e Veriut./Telegrafi/
The post Svilenski: Nuk e kemi ndryshuar qëndrimin tonë për Maqedoninë e Veriut appeared first on Telegrafi.