Policia është tërhequr pasi nuk ka gjetur asgjë në zonën e fshatit Bujkovci, rajoni i Shkupit, njofton TV21.
Sipas informacioneve të banorëve, ata pretendojnë se kanë parë një objekt fluturues që më pas është zhdukur. E gjithë kjo ka ndodhur pasditen e sotme teksa zona është përfshirë nga një stuhi e fortë.
Sonte vonë të gjitha njësitet policore janë tërhequr, ndërsa MPB-ja ka thënë se nuk është gjetur asgjë.
Më herët drejtori i Agjencisë së Aviacionit Civil ka konfirmuar se nuk është raportuar asnjë incident.
Në aeroportin e Petrovecit, i cili nuk është shumë larg fshatit, konfirmojnë se qarkullimi ajror po zhvillohet normalisht dhe janë realizuar të gjitha ngritje-uljet.
Tërhiqet policia, nuk gjeti asgjë në Bujkovci të Shkupit shkruan Telegrafi.