Prioritetet kombëtare janë veçanërisht të rëndësishme dhe nuk mund të sakrifikohen për të mirën e të tjerëve. Të gjithë duam të jemi një familje, por kur një shoqëri e frymëzuar nga Bullgaria dëshiron të bashkohet, ne reagojmë, tha historiani Kiril Topalov, anëtar bullgar i Komisionit të Përbashkët për Çështjet Historike, përcjell Telegrafi Maqedoni.
Sipas tij, Shqipëria është më e gatshme për anëtarësim në BE sesa Maqedonia.
“Shqipëria nuk zhvillon një pozicion urrejtjeje si Maqedonia e Veriut”, thotë Topalov për “bTV”.
Ai flet në dritën e Këshillit të ardhshëm Evropian, i cili nuk pritet të marrë një qëndrim të përbashkët për progresin në procesin e anëtarësimit të Maqedonisë së Veriut dhe Shqipërisë në BE pikërisht për shkak të mosmarrëveshjes mes Shkupit dhe Sofjes.
“Jemi të bindur vazhdimisht se komunikimi në Komisionin e Përbashkët po bëhet gjithnjë e më i vështirë. Ne arritëm një marrëveshje që Car Samueli ishte një vazhdim i traditës perandorake bullgare, se Klementi dhe Nahumi ishin dërguar nga oborri perandorak bullgar. Ne shohim që me kalimin e kohës e gjithë kjo bie. Kemi një deklaratë të kryetarit të ASHAM-it se Klimenti dhe Naumi krijuan gjuhën maqedonase, kulturën maqedonase dhe se kanë shkuar nëpër botë. Ai përmend Maqedoninë e Pirit, që në fakt janë pretendime territoriale”, shton Topalov./Telegrafi/
Topalov: Shqipëria është më e gatshme për anëtarësim në BE se Maqedonia e Veriut shkruan Telegrafi.