Gjatë gjysmës së parë të vitit 2023, numri i përgjithshëm i krimeve të kryera në rrethin e Manastirit është ulur për 43 për qind. Ndërkohë që numri i kallëzimeve penale është rritur për 0.7 për qind, ndërsa efikasiteti në përqindje është rritur për 12 për qind.
Si rezultat i një sërë masash dhe aktivitetesh, SPB-Manastir ka arritur një efikasitet prej 47 për qind në fushën e zbulimit të autorëve, gjegjësisht kryerësve të veprave penale.
“Gjatë gjysmës së parë të vitit 2023 numri i përgjithshëm i krimeve të kryera në zonën e Manastirit në krahasim me vitin e kaluar ka shënuar rënie drastike dhe ka arritur në 723.
Rënie drastike krahasuar me të njëjtën periudhë të vitit 2022 ka edhe tek vjedhjet e rënda. Në vitin 2022 janë shënuar 467 vjedhje të rënda, ndërsa në vitin 2023 vetëm 140”, thuhet në njoftimin e SPB-Manastir.
The post Ulet numri i veprave penale në Manastir dhe rrethinë appeared first on Telegrafi.