Qeverisja e VLEN-it po jep rezultatet e para konkrete në sektorin e energjisë. Në Kombinatin e Osllomesë janë realizuar 60 punësime të reja, si dëshmi e qartë se premtimet po kthehen në vepra dhe se angazhimi për zhvillim të qëndrueshëm rajonal është real. Kështu thuhet në një njoftim të VLEN-it, sipas të cilës, zëvendësdrejtori i ESM-së, Rexhep Asani, ka bërë të ditur se ky është vetëm fillimi dhe se shumë shpejt priten punësime edhe në TEC Manastir, HEC Drini i Zi dhe HEC Mavrovë. Megjithatë, as VLEN-i e as zëvendësdrejtori nuk përmendin sesa nga këto 60 punësime janl shqiptarë.
“Me këtë dinamikë, sektori energjetik në vend po hyn në një fazë të re të zhvillimit. VLEN e ka bërë të qartë se prioriteti kryesor mbetet krijimi i vendeve të reja të punës dhe përfshirja aktive e qytetarëve në transformimin ekonomik. Hapat e ndërmarra në Osllomej janë pjesë e një vizioni më të gjerë që do të shtrihet në të gjitha rajonet e vendit”, thuhet në njoftimin e VLEN-it
Befasitë pozitive do të vazhdojnë, vijon më tej VLEN-i, sepse rruga që ka zgjedhur VLEN është ajo e punës, zhvillimit dhe dinjitetit qytetar.
The post VLEN: 60 punësime të reja në Kombinatin e Osllomes appeared first on Telegrafi.
