Kryetari i Kuvendit, Talat Xhaferi sot i shprehu ngushëllime familjes së 14-vjeçares Vanja dhe porositi që organet kompetente ta zbardhin rastin deri në fund.
“Arsyeja, përgjegjësia për fjalën e thënë dhe përmbajtja nga përhapja e dezinformatave duhet të mbizotërojë në jetën e përditshme të secilit. Rastet e izoluara kriminale nuk duhet të përdoren për politikë ditore dhe as të barazohen me shoqërinë në tërësi”, shkroi pasdite Xhaferi në Fejsbuk.
Vanja Gjorçevska (14-vjeçare) ishte denoncuar si e zhdukur më 27 nëntor 2023, ndërsa pas masave dhe aktiviteteve të ndërmarra nga ana e nënpunësve të policisë nga SPB Shkup dje trupi i saj ishte gjetur në rrethinën e Shkupit.
Në SHFK “Johan Hajnrih – Pestalloci” sot ishte hapur libri i zisë për jetën e shuar shumë herët të 14-vjeçares Vanja Gjorçevska.
Xhaferi: Autoritetet ta zbardhin deri në fund rastin me Vanjën shkruan Telegrafi.