Turmat në veri në Londrës janë mbledhur të hënën në mëngjes për të parë një mural në formë druri në trupin e një ndërtese, që rezulton se është puna e artistit të rrugëve Banksy-t.
Arti i krijuar në ndërtesën e banimit në rrugën “Hornsey”, e ka marrë vëmendjen e fqinjëve dhe kalimtarëve.
Banorët u kanë thënë agjencive të lajmeve se janë “krenarë dhe të lumtur” që artisti, identitet i të cilit mbetet sekret e ka përzgjedhur atë rrugë për muralin e ri.
Wanja Sellers, banore e lagjes, e cila jeton disa rrugë afër muralit, ka thënë se “ne jemi shumë të lumtur që Bansky e ka zgjedhur rrugën tonë për artin e tij”.
“Ngjyrat e ndezura të gjelbërta përfaqësojnë Islingtonin, i cili është i lezetshëm, dhe natyrisht, Ditën e Shën Patrikut, e cila është e mirë dhe festive”.
“Përzgjedhja e ngjyrave të lagjes sonë e bën të duket si mesazh personal për banorët. Jemi shumë krenarë”.
Ngjyra e gjelbër e ndezur është përhapur në ndërtesë, në formë druri, duke krijuar përshtypjen e një gjetheje.
Në të shihet edhe një person që mban një zorrë presioni në dorë.
Bansky e ka konfirmuar si gjithmonë punën e tij përmes llogarisë në Instagram dhe faqes që ka./Living/