Multimilardieri Elon Musk iu ka shpallur një luftë çmimi automjeteve elektrike dhe atyre tradicionale. Përmes kompanisë “Tesla”, ai ka vendosur të hap një sfidë me markat e tjera që operojnë në treg prej vitesh.
Që nga fillimi i vitit 2023, prodhuesi i automjeteve elektrike ka ulur në mënyrë dramatike koston e blerjes së një Model 3, Model S, Model X ose Model Y. Në këtë formë ai ka rritur rritur presionin mbi prodhuesit e tjerë të EV, si dhe prodhuesit tradicionalë të automjeteve.
Fitimet e kompanive nuk mund të krahasohen ende, por Tesla duket se po rrit ndjeshëm fitimet.
Tesla filloi të ulë çmimet në mesin e janarit, duke ulur koston e një sedani të nivelit fillestar Model 3, automjeti më i shitur i kompanisë, me 6.4%, në 43,990 dollarë. Musk gjithashtu uli koston e SUV-it bazë Model Y në 52,990 dollarë, 20% më lirë se çmimi i mëparshëm prej 65,990 dollarë.