Kreu i Partisë Demokratike, Sali Berisha ka marrë fjalën në kuvend për të diskutuar në lidhje me projekt-ligjin për Portin e Durrësit.
Berisha akuzoi kreun e qeverisë se po mbush xhepat e tij duke shkatërruar vendin teksa u shpreh se investimi në portin e Durrësit është aferë Rama-Vuçiç.
Kryedemokrati theksoi se pas kësaj afere qëndrojnë vëllezërit Kariç, që sipas tij janë të sanksionuar nga SHBA, BE dhe Britania.
“Pasi kanë marrë mbi 500 miliardë lekë borxh dhe e kanë rritur borxhin në 107 përqind, përveç vilave dhe kontove të fshehta, këta vjedhës nuk janë në gjendje të nxjerrin asgjë substanciale në 9 vite, përveç pasurimit të tyre. Dua të qartësoj shqiptarët se ka ikur njeriu që ka për flamur, flamurin e Vuçiçit, që ka për atdheu, atdheun e Vuçiçit.
Afera e Durrësit është aferë Rama-Vuçiç. Pas aferës qëndrojnë vëllezërit Kariç, të sanksionuar nga SHBA, BE dhe Britania, dhe tani bëjnë biznes me Edi Ramën.”