Arben Kraja ka reaguar për deklaratat që kryeministri Rama ka bërë ditëve të fundit, ndaj tij dhe ndaj SPAK.
Gjatë seancës degjimore mbi raportin vjetor, Kraja u shpreh se të gjithë prokurorët dhe hetuesit janë të ndërgjegjshëm se do të ketë presione dhe opinione të ndryshme.
I pyetur nga kreu i KLP, Alfred Balla, Kraja u shpreh se më e rëndësishme është korrektësia me ligjin dhe vlerësimi i provave.
“Të gjithë prokurorët e hetuesit janë të ndërgjegjshëm kë hetojmë, e dimë që do ketë opinione të ndryshme, presione. E rëndësishme për ne të jemi korrekt me ligjin, të vlerësojmë provat. Këto u kam thënë edhe prokurorëve, të vijojnë punët me provat, nuk është problem shqetësues për ne. Në lidhje me pyetjen e dytë, unë mendoj se ne punojmë në koherencë me BKH. Oficerët janë të rinj, por po mësojnë.”-tha Kraja.
KLP ka organizuar sot seancën dëgjimore me Drejtuesin e Prokurorisë së Posaçme Kundër Korrupsionit dhe Krimit të Organizuar për raportin vjetor lidhur me veprimtarinë e Prokurorisë së Posaçme (SPAK) për vitin 2021.