Drejtori i mjekësisë ligjore në Maqedoninë e Veriut, Aleksandar Stankov është shprehur për mediat se i gjithë instituti është duke punuar në rastin e pacientëve që humbën jetën nga zjarri në spitalin Covid në Tetovë.
Sipas Stankov mbrëmjen e së mërkurës në institut mbërritën 14 trupa të pajetë dhe deri më tani janë kryer katër autopsi. Ai shtoi se i gjithë procesi i identifikimit të përfundojë nesër ose të shtunën.
“Mbrëmë u sollën 14 trupa të vdekurish, u formuan ekipet menjëherë, filluam punën, 4 autopsi janë kryer deri më tani, ekipet janë duke punuar. Ne planifikojmë t’i përfundojmë ato sot, i gjithë identifikimi duhet të përfundojë deri nesër, më së voni pasnesër”, u shpreh Stankov.
Advertisement
