Një vrasje e dyfishtë ka tronditur Velipojën mbrëmjen e sotme, 19 gusht.
Policia bën me dije se rreth orës 21:00 dyshohet se për motive të dobëta, dy vëllezërit E.F., dhe G. F kanë plagosur me armë zjarri shtetasit Arsid Hoxha edhe Ersild Ishmi.
Të dy u transportuan menjëherë për ndihmë mjekësore në Spitalin Rajonal të Shkodër por si pasojë e plagëve të marra humbën jetën në spital.
Me marrjen e njoftimit, kanë shkuar menjëherë në vendngjarje, shërbimet e Drejtorisë Vendore të Policisë Shkodër, Drejtuesit e Drejtorisë dhe të Komisariatit të Policisë Shkodër, si grupe të Forcës Kombëtare të Sigurisë, Njësia Shkodër.
Njëkohësisht është ngritur një grup i posaçëm hetimor i cili ndodhet në vendngjarje dhe po vijon punën intensive në bashkëpunim me Prokurorinë për sigurimin e provave me qëllim dokumentimin ligor të kësaj ngjarjeje./vizionplus.tv
