Policia e Shkodrës ka finalizuar me sukses operacionin policor të koduar “Forest 1”, duke vënë në pranga një shtetas të shpallur më parë në kërkim për veprimtari kriminale në fushën e narkotikëve.
Në kuadër të operacionit u arrestua Mhill Shpati, 33 vjeç, banues në fshatin Bardhaj, i cili ishte në kërkim pas vendimit të Gjykatës së Shkallës së Parë të Juridiksionit të Përgjithshëm Shkodër, që i kishte caktuar masën e sigurisë “Arrest në burg” për veprën penale “Kultivimi i bimëve narkotike”, kryer në bashkëpunim.
Sipas Policisë, 33-vjeçari dyshohet se ka bashkëpunuar me persona të tjerë në kultivimin e 10 274 bimëve kanabis, të zbuluara dhe asgjësuara më datë 10 gusht 2023 në fshatin Kir.
Materialet procedurale i janë referuar Prokurorisë së Shkodrës për veprime të mëtejshme ligjore.
/vizionplus.tv
