Gjyshe Sadetja, një e moshuar 86-vjeçare dhe miqtë e saj të një azili në Tiranë, janë bërë pjesë e emisionit “Vizioni i Pasdites” të moderuar nga Brikena Prifti në Vizion Plus, ku kanë rrëfyer historitë e tyre të jetës.
86-vjeçarja Sadete, e cila është nënë e dy vajzave, ka rrëfyer në emisionin “Vizioni i Pasdites” historinë e saj të dashurisë, e cila nuk ka qenë bashkëshorti i saj por dukush tjetër.
Gjyshe Sadetja ka treguar se në rininë e saj ka rënë në dashuri me shokun e vëllait të saj, por prindërit nuk e kanë lejuar duke e martuar me dikë tjetër.
“Dikur kam rënë në dashuri me një djalë tjetër, por prindërit nuk më lanë se ashtu ishte koha atëherë”, rrëfeu e moshuara.
Po ashtu e moshura tregon edhe se nuk i pëlqejnë komplimentet, madje as kur ja bënte bashkëshorti i saj.
“Nuk më pëlqejnë komplimentat. Nuk më pëlqenin as kur më thoshte burri sa e mirë ke qenë në rini”’, u shpreh 86-vjeçarja.
/Vizionplus.tv/